TIRANE - Sivjet këngëtarja Çiljeta Xhilaga është treguar shumë bujare me fansat e saj. Te “Kënga Magjike” ajo ka vendosur që të dalë komplet transparente. Në konkurrimin tek “E diela Shqiptare”, Çiljeta kishte veshur një fustan të bardhë krejtësisht dantellë, duke bërë që të flitej më shumë për veshjen sesa për këngën e saj. Ndërsa për netët te “Pallati i Kongreseve”, Çiljeta nuk tradhtoi dantellat, por ngjyrën. Tashmë ajo kishte zgjedhur të njëjtin model, por me ngjyrë të zezë, një veshje gjithashtu shumë seksi. Ajo që Çiljeta vë në plan të parë gjithnjë, është dekolteja, që edhe këtë radhë është mjaft e zbuluar, ndërkohë që paparaci ynë ka kapur këtë moment në paskuinta, teksa stilisti i saj Joni Peçi po i bën edhe rregullimet e fundit të fustanit të krijuar prej tij. Por ajo që të bie në sy dhe lë vend për interpretim, është vënia e duarve te gjoksi i Çiljetës, që gjithsesi nuk besojmë se ka pasur ndonjë qëllim tjetër, përveç se të rregullojë fustanin. Dhe, pas gjithë kësaj vemendjeje për pamjen, duhet thënë se Çiljeta konkurron me një këngë shumë të bukur, një baladë të ndjerë dashurie.

(er.nu/panoramaplus/BalkanWeb)